Labirintoan galduta dabiltzan pertsonaia ugari biltzen dituzte poemok. Minik gabe bizitzeko nahia. Bizipenak geureganatzeko eta argazki bihurtzeko egindako ahalegin antzuak. Norberaren «errelatoa», eta kolektiboa. Kontakizun bateratuaren porrota. Norberaren porrota. Artea eta sinesmenak helduleku gisa. Eguneroko bortitzaren hamaika aurpegi.

Lur promestua
irabaziko genuela egin ziguten zin aspaldi,
geuk ere noizbehinka superheroiak izatearekin
amesten genueneko hartan.
Edota borrero psikopatak.
Eta,
orain,
nori egingo diogu erregu
ETAren seme-alaba deserrituok?